Türkmenistanyň demirgazyk sebitinde awtomobil ýollaryny täzelemek boýunça işler dowam edýär. Boldumsaz etrabynda «Zähmetkeş» daýhan birleşigine barýan awtomobil ýolunyň bir böleginde durkuny täzelemek işleri alnyp barylýar. Häzirki wagta çenli 1,5 kilometre golaý ýol bölegi abatlandy we asfalt düşemek işleri dowam edýär.

Şunuň ýaly işler Boldumsaz we Akdepe etraplarynyň oba ýerlerinde, şeýle hem Daşoguz şäherinde hem ýerine ýetirilýär. Şu ýylda hünärmenler sebit boýunça ýol gurluşyk we abatlaýyş işleriniň uly möçberini amala aşyrmagy meýilleşdirýärler.

Welaýatyň ösen ulag-aragatnaşyk düzümi ýük we ýolagçy gatnawlarynyň yzygiderli artmagyna ýardam berýär.

Çeşme: www.turkmenportal.com